کندلیمیز«مشه رجب»نئچه گون فرانسایا گئتمیشدی.خبرگلدی کی«مشه رجب» فرانسه دن قاییدیب.خلق دسته دسته اونو گؤرمک ایچین گئتدیلر.

قونشوسو«مشه باب الله» مشه رجبی اؤپندن سونرادئدی:«زیارت قبول قارداش!دی گؤروم فرانسه دَه نه خبرلر»؟

مشه رجب بیرآز توضیح وئریب گئنه مشه باب الله اونادئدی:«دوغروسو دی گؤروم فرانسه دَه بیزیم کتخودانی تانییردیرلریایوخ؟آخه بیزیم کتخوخدا بیربویویک وآدلیم آدام دیر»!!

هرایل مهر آییندا کندلیمیز«خان چوبان» مدرسه یه گلیب وخاطیره سین اوشاغلاراایچین تعریف ائدیب واونلاری درس اوخوماغاتشویق ائیلییردی.کئچن هفته مهرین بیرینجی گؤنو مدرسه گلیب،میکرفونومودوردن آلیب،بوجوردانیشماغاباشلادی:«آی اوشاغلاریم!ساوادسیز آدام کورکیمین دیر.ساوادلی دوزیولو اگری یولدان تشخیص وئره ر.درسینیزی برک یاپیشین تامملکتینیز قاباغ گئدسین و باشینیزا بورک گئدمه سین!

بیزیم زاماندابوجورمدرسه یوخودو.هرکنددَه بیرمکتب وارایدی.بیزیم کندین مکتبین موعللیمی «ملاهادی»ایدی. من ده مکتبه گئدردیم.بیرگون ملاهادی منی مکتب دَنائشیگه آتیب،دئدی:«گئت داواریایماغا،سندن درس اوخویان چیخماز»!

من دَه ائوه قاییتدیم آمما اوره گیم مکتبخانادایدی.نئچه گوندن سونرامکتبخانایاقاییدیب، دئدیم:«آملاهادی!ایسته ییرم مکتبه گلیم».

ملاهادی دئدی:«اوغول!سنین استعدادین یوخدور.داواریایماق سنه یاراشیر».

اصرارائله دیم ودئدیم:«بیردفه ده مندَن امتحان آل.باشاردیم جاواب وئریم مدرسه یه گلرم باشارمادیم کی قاییدارام».

دئدی:«اولسون گل اوتورگوروم.اوتوردوم.دئدی:«بوجمله نی منیم ایچین تکرارائله :«زن:آرواد،مردکیشی».

من دَه نئچه یول دئدیم:«سن آرواد،من کیشی»!

ملاهادی آجیخیب،آیاغادوروب،قولاغیمدان دوتوب ائشیگه آتدی.

مدرسه نین اوشاغلاری بوخاطیره نی ائشیدیب،گؤلمگه باشلادیلار.بیردنه اؤیرنجیلردَن  صف دَن چیخیب،خان چوبانین یاییناگلیب اوشاغلاراتشرووروب دئدی:«کؤپک اوشاغلاری قانمازلار کسین سسینیزی»!سونراخان چوبانااؤزدؤندوروب دئدی:«سنین شانسین یاخشی دئییلمیش خان چوبان. بودوره دَه سن کیمین آداملارین بوتون دوکترامدرکلری واردور.سونراالیله بیردنه اوشاغلاراایشاره ائدیب،دئدی:«خان چوبان بوائششک احمده باخ !آدین یازابیلمیرآمماکلاس اون بیردیرنئچه ایلدن سونرادادوکتوراولاجاق.من سنی گؤره نده وبوماجرانی ائشیدنده سنه ومینلرسن کیمینلره اوره گیم یانیر»!

بوسؤزوائشیندن سونراخان چوبان  فیکیرله شیب،پاپاغین یئربه یئرائدیب،بیرآه چکیب،عصاین گؤتوروب،واگر اگری اؤزائوینه ساری یولادوشدو ...