+0 به یه ن / بپسند
آغ قلم الیمده نه لر چک مه رم؟!
رسیم چکه جیم قارا واراغدا
اولکه مین تاغینی آغ چکه جیم
آغ قلم الیمده نه لر چک مه رم؟!
قارا شکیللری آغ چکه جیم
میشووون باشیندا قیرمیزی بایراغ
آی ایله اولدوزون آغ چکه جیم
تبریزدن باکی یا قوشاغلی بیر یول
اورتادان آرازی آغ چکه جیم.
اوخول چکه جیم بو رسیم ده من
قارا تاختاسینی آغ چکه جیم
اویرتمن خانمین گیمللرینی
دیلینی، آغزینی آغ چکه جیم
قوی قاپانسین اوخول آچیلمامیشدان
قاپسین، دووارین آغ چکه جیم
اوزگه لر دیلینه یازیر قلمیم
من آنا دیلیمیزی آغ چکه جیم
درج شده در تاریخ ۹۴/۰۶/۲۶ ساعت 14:37