هارای نیوز

خبری - تحلیلی

اورک ده قالمادی طاقت

+0 به یه ن / بپسند

اورک ده قالمادی طاقت

یازار : سلمان عبدی زاده

اورک ده قالمادی طاقت ، یاری سراقلاییرام
یارین ویصالینه هر نه واریم آیاقلاییرام



گؤزوم یاشیلا یار شکیلین هئی سیلیب یووورام
قوجاق قوجاق گومانیلا تئلین داراقلاییرام

گئجه گئچیب یاریدان،گلمه ییر یوخو گؤزیمه
سحر اولونجا باخیب گونلری واراقلاییرام

شیرین،صفالی خاطیره لر،هئی قونور یادیما
دعا ائدیب سحرین گلمه یین اوزاقلاییرام

سحر آچیلسادا یوخدور منیله همدم اولان
کیمه دییَم سؤزیمی حیس ائدر سایاقلاییرام

اورک پارا پارادیر گوستریم کیمه ، نه ائدیم
علاج تاپیلمادی، سؤزله، اورک یاماقلاییرام
سلمان
ürəkdə qalmadi taqət yari soraqlayiram
yarin visalinə hər nə varim ayaqlayiram

gözüm yaşila yar şəkilin hey silib yuvuram
qucaq qucaq gümanila telin daraqlayiram

gecə geçib yaridan gəlməyir yuxu gözümə
səhər olunca baxib günləri varaqlayiram

səhər açilsada yoxdur mənilə həmdəm olan
kimə diyəm sözümi his edər sayaqlayiram

ürək para paradir göstərim kimə nə edim
əlac tapilmadi sözlə ürək yamaqlayiram

səlman əbdizadeh

http://salman-abdizadeh.arzublog.com

آچار سؤزلر : اورک ده قالمادی طاقت, هارای نیوز,