علمدارلی دوقتور فیروز رفاهی نین ادبی ارثیندن پارچالار

نوشته شده توسط م- ترابی  

سس – سیز سمیر سیز  آذربایجان ادبیاتی نین کئشیکینده دورانلارین بیریسی ده اینانیرام ائله دوقتور فیروز رفاهی اولسون . او 1332 ینجی ایل تبریزین مارالان محله سینده آنادان اولوب سونرا ایسه بیر نئچه شهرده یاشامیشدیر . النهایت اونون روزگار بیر چوخلاری کیمی تهرانا چکمیش ، حالیا بو اوجسوز – بوجاقسیز شهرده یاشاماقدا دیر.

 دوقتور رفاهی اوز آنادیلیندن علاوه انگلیس و روس دیلرینه ده تانیش اولان بیریسی دیر . اوستاد تهراندا « فیروزان نشرین قوردوقدا داها الی آچیق اولوب ، اوز کتابلاریندان علاوه بیر سیرادا فایدالی کتابلارین نشرینه جان آتمیش دیر . اونون نشر ائتدیی اثرلردن کی خبرلی اییک بئله سایی یه گتیره بیلریک .

  1-تاریخ خطهای جهان و سیر تحولات آنها از آغاز تا امروز  :

( یوهانس فریدریش ) بو دیرلی کتاب آلمانجادان روسجایا ترجمه اولونوب ، روسجادان ایسه 68 ینجی ایل فارسجایا چئویریلمیشدیر . کتابی تهرانین دنیا نشری 477 صحیفه ده نشر ائدیب ، سونرالار ایسه 1393 اونجو ایل تکرار ، فیروزان نشری همت گوستریب یئنی دن باسدیرمیش دیر .

2-اورونیم های ایران ( پژوهشی در نام های پستی و بلندی های ایران ) :

 فارسجا اولان بو کتابی دا « سازمان نقشه برداری کشور – مرکز تحقیقات نقشه برداری » نشری 1390 ینجی ایل تهراندا 168 صحیفه ده اعلاء کیفیت ده چاپدان بوراخیلمیشدیر .

3- مبانی توپونیمی و نگاهی به توپونیم های ایران:

همین کیتابی دا ائله تهرانین فیروزان نشری 93 اونجو ایل 288 صحیفه ده گوزل کیفیت ده نشر ائتمیشدیر .

4-توپونیمیک سوزلوک ( آدلاریمیز – تاریخیمیز ) :

بو کتابی ده سایین یازار دوستوموز ، غیاث الدین غیب الله یئف ،توفیق احمد اوف ، قارا مشدییئف ، نادر ممدوف ، لا بیرگه ایشله ییب 290 صحیفه ده تهراندا فیروزان نشری واسطه سی ایله نشر اولونموشدور . تورکجه یازیلمیش بو تخصصی کتاب قالارکی اثرلردن سانیلا بیلر .

5-شیخ صنعان و ترسا قیزی :

آدی ایتگین تبریز شاعیرلریندن اولان جمال رنجی نین تورکجه بیر مثنوی سی دیر کی 1390 ینجی ایل تهراندا فیروزان نشری همتی ایله 118 صحیفه ده فاکسیمیله و ایکی الیفا اوزه رینده نشر امکانی تاپمیشدیر . کلاسیک ادبیاتیمیزدا بو کیمی اثرلرین نشری ان انم لی و یئری بوش ایش لردن حسابلانا بیلرلر .

6- دیوان محمد فلکی شیروانی :

 سایین آراشدیریجیمیز همین دیوانی ایکی کیتابدان ترتیب وئرمیشدیر . اون سوزون یا داها دوغروسو شیروانلی فلکی نین حیاتی ایله ادبی ارثینه دایر اولان یازنی رحمتلی آزاده خانیم روستم اووادان فارسجایا چئویرمیش ف متنی ایسه هند محقق لریندن اولان حسن هادی نین ترتیب وئرمیش دیوانین اساس توتموشدور . بئله لیک له او ، بیر معجون ترتیب وئرمیش دیر . شیروانلی فلکی نین دیوانی دا 1380 ینجی ایل ف ائله تهراندا اولان فیروزان نشری سیراسیندا 228 صحیفه ده بازارا تقدیم اولونموشدور .

7-دیوان احمد شوقی تبریزی :

آدی ندرت له دئییلن دوقوزونجو و اونونجو قرنین شاعیرلریندن اولان تبریزلی شوقی نین دیوانی بیرینجی دونه اولاراق بو آراشدیریجی نین همتی ایله 400 صحیفه یه یاخین اوتن ایلین سونلاریندا تهراندا گون اوزو گورموشدور . بو کتابین بویوک مزیت لریندن بیریسی بو اولا بیلر کی ، تبریزلی شاعیرین دیوانی بیرینجی دونه اولاراق آنکارادا ساخلانیلان ال یازمانین اساسیندا نشر اولموش ف سونرا ایسه شعرلری ایکی الفابده اوخوجو کوتله سینه تقدیم اولونموشدور .

8- هیدرونیم های ایران ( پژوهشی در آب نام های ایران ) :

بو کیتابدا آدیندان بللی اولدوغو کیمی جغرافیایی و تخصصی کتابلاریمیزدان دیر کی  84 ینجی ایل سازمان نقشه برداری کشور – مرکز تحقیقات نقشه برداری سیراسیندا 104 صحیفه ده تهراندا نشر اولونموشدور .

9- مبانی توپونیمی و نگاهی به توپونیم های ایران :

بو  تخصصی و اوزل کتابی دا سازمان نقشه برداری کشور ، 1380 ینجی ایل تهراندا نشر ائتدیرمیشدیر .

10- میرزا جهانشاه حقیقی ( دیوان فارسی – ترکی )

قره قویونلو دوورونون بویوک شاعیرلریندن اولان میرزه یوسف خان حقیقی « جهانشاه » تبریزین ان آدلیم و تانینمیش شاعیر و ایش اوسته اولانلاریندان اولموشدور . بو دونه آراشدیریجی دوستوموز بو اولو شاعیرین فارسجا – تورکجه دیوانین بیر نئچه الیازمانین توتوشدورماسی ایله 320 صحیفه ده 1380 ینجی ایل تهراندا فیروزان نشری سیراسیندا گوزل  بیر بیچیمده نشر ائتدیره بیلمیشدیر .

منبع : http://rezahamraz.com/fa/index.php