یالانچی چوبان...

 Moosavifar سید ضیاء



بیر چوبان بیر گون ایتدی داغدا هارای

جاناوار وار -دئدی-گلین ای وای !

اهل قریه یوگوردی داغ طرفه

گیتمه سین تا قویون-قوزو تلفه

بونلاری مضطرب گورینجه چوبان

گولمه گه باشلاییب دیدی یاران

سیز بونو سانمایین حقیقت دور

داماغیم گلدی بیر ظرافت دور

بینوالار قایتدی،لیک چوبان

ینه بیر گون داغ اوسته قیلدی فغان

جاناوار وار دیدی،باغیردی ینه

قریه اهلین کومک چاغیردی ینه

کت چیلر ایتدیلر دوباره هجوم

ینه اولدی یالان لیغی معلوم....

دوغرودان بیر زمان به عزم شکار

قویونا گلدی بیر نچه جاناوار

هرنه داد ایله دی چوبان ؛یا هو

ایشیدن لر دیدی یالاندور بو

بوسببدن هارایا گیتمه دیلر

اونا هچ اعتنا دا ایتمه دیلر

جاناوارلار ییدی بوتون قویونی...

ایشته اوغلوم یالانچی لیق اویونی!!

باخ یالانچی تانیلدی؛چونکی چوبان

دوغری دیرکن ؛سوزی گوریندی یالان

هرگز اوغلوم یالان دیمه که خدا

دوست دوتماز یالانچینی ابدا

هم ده خلق ایچره حرمتین اولماز

عزنین؛قدر و قیمتین اولماز....