هارای نیوز

خبری - تحلیلی

�

شعری در مورد زلزله قره داغ

شنبه 24 مرداد 1394
�
+0 به یه ن / بپسند
شعری در مورد زلزله قره داغ

استاد ابوالفضل باباپور




محنتین ائیله دی دونیانی پریشان قره داغ
 یارالی جانیوا جانیم اولا قوربان قره داغ

یاندیریب یاخدی قوپان واختی دا بوغملی خبر
اوخ کیمی قلبیمیزی ائیلدی شان شان قره داغ

چیخمامیشدی یادیمیزدان هله نیر زلزله سی
ائله دی قهر طبیعت سنی ویران قره داغ

یانمادی داش اوره گی ذره جه نامرد فله یینسنین
 احوالینا ای باغری اولان قان قره داغ

یای گونو فصل خزان ویردی گوزل گولشنو وی
  یام یاشیل باغلارووی ائتدی بیابان قره داغ

آچمامیش سولدو حاییف کی بوتادا غنچه لرون
بورودو هر یانی توز ، قوپدو نه طوفان قره داغ

رحمی سیز داشلارین آلتیندا قالان کورپه لرون
یاندیریب قلبیمیزی ائیله دی بیریان قره داغ

چوخ اوشاقلار آناسیز ، چوخ آنالاردا بالاسیزقالدی
- قؤزاندی گووه ناله و افغان قره داغ

قاریشیب ماتمه ماتم ، هامی اولدی عزالیا
وخشیوب آغلادی باشدان باشا ایران قره داغ

سینه وی داغلی گوروب گلدیلر ائللر
هارایااولدو گوولر سنین احوالینا گریان قره داغ

گئیدی داغلار یاشیل اوستن قارا کوینک لر
ینیسنه تای اولدو بوتون دونیادا هر یان قره داغ

یاشاسین خالقیمیزی کی بو آغیر فاجعه ده
وئردیلرسَس سَسه باهم دئدی لر جان قره داغ

قوربانام ئوز ائلیمین داغدان آغیر همّتینه
غیرتین ائتدی یئنه بوردا نمایان قره داغ

بوشلی دیر چون سنه مشروطیت حاقیندا
وطنسن وئریبسن بیزه ستار کیمی بیرخان قره داغ

قارا گونلر گئچه جک دیر بو قدر اولما ملولغم
الیندن ای اولان سینه سی وولقان قره داغ

داغیلان کندلرووی بیر به بیر آباد ائده ریک
قویماریق کند اوشاقین چول آرا ویلان قره داغ

وئره ریک اَل اَله باهم هامی میز همّتیله
چَکر یگ سئومه لی ائولر گوزل ایوان قره داغ

قوزانار توستوسی تندیرلروون قالخار ایی
قیزلارون ائوده چورکلر یاپار الوان قره داغ

سن گوزل اولکه میزین ایستمه لی بولگه سی
سن شانلی آذرائلینین سئوگیسی جانان قره داغ

باشی ساغ اولسون ئولنلر ساریدان
یوردوموزون یاشاسین دونیا بویی آذرِ بایجان قره داغ
.....

بؤلوم | تورك ادبیاتی ( ناغیل - ماهنی - بایاتی - یازی ...) یازار : گروه خبرنگاران هارای نیوز
0 باخیش
�

[]
�
�