هارای نیوز

خبری - تحلیلی

یئکاناتین حورمتلی شاعیری ، فریدون حاصارلی جنابلاری

+0 به یه ن / بپسند
یئکاناتین حورمتلی شاعیری ، فریدون حاصارلی جنابلاری آشیق علی یه ایتحاف ائتدیگی شعر و آشیق غلی نین جاو

آشیق علی سؤزون اینجی – مرجان دی
یاخشی دوستا قوربان دئدیم بو جان دی
من ده سن تک ویردیم آذربایجان دی
دونیا بویو گونون – ائلین وار اولسون
سؤیله گلسین شیرین دیلین وار اولسون

اوخودوم کیتابین باشدان آیاغا
باهارین عطری دیر دولوبدور باغا
او گؤزه ل شعرلرین قونوب واراغا
چیچک لر آچیلیب قُوی باهار اولسون
سؤیله گلسین شیرین دیلین وار اولسون


اؤزون جاوان سؤزلرین چوخ درین دیر
حیکمتلی دیر ، نصیحت دیر ، شیرین دیر
آل سینه ن اوستون ده سازینی دیندیر
قوی بوتون ائل – اوبا خبردار اولسون
سؤیله گلسین شیرین دیلین وار اولسون

"قالا داغی" ن عطری واردیر سؤزون ده
جئیران اوتلار " قارا گونئی" دوزون ده
ککلیک قاققیلداشار چشمه گؤزون ده
بولاقلاری قوی گورلاسین جار اولسون
سؤیله گلسین شیرین دیلین وار اولسون


"قالا داغی" کئشیک چکیر ائل لره
سینه گریب توفان لارا – سئل لره
جئیران لاری زینت وئره ر چؤل لره
تاریخ لر یارادان ائلین وار اولسون
سؤیله گلسین شیرین دیلین وار اولسون

یئکانات بیر – بیره دوست دی قارداشدی
مون گونده همیشه یاخشی یولداشدی
غئیرت ده، هیممت ده هامیدان باشدی
هامی سینا تانری اؤزو یار اولسون
سؤیله گلسین شیرین دیلین وار اولسون

"حاصارلی" وورغون دی دوغما ائل لره
وطنیم ده آچان قیزیل گول لره
ازه لدن ماییلام شیرین دیل لره
ایسته ره م ائل – اوبا بختیار اولسون
سؤیله گلسین شیرین دیلین وار اولسون

_فریدون حاصارلی_ تبریز

********

"آشیق علی یکانلی نین جاوابی"

گؤندردیگین مکتوب گلدی یئتیشدی
اوخودوم اؤیرندیم ائل سلامتدی
قوربان اولون وطنیمه - ائلیمه
بولبول لر اوخوسون گول سلامتدی

جانیم قوربان اولسون شهر تبریزه
فلک آیریلیغی تک وئریب بیزه
یولون دوشسه اگر، قوناق گَل بیزه
کاروان دان سوروشدوم یول سلامتدی

قالا داغی یئرینده دی یئرینده
قوجا قارتال یووا سالیب سرینده
غواص اولان گئده ر ، اوزه ر دَرینده
یاشیل باشلار گلسین گول سلامتدی

" یکانلی علی" یم داغدا - آراندا
عؤمروم صرف اولوندو ، قاردا – بوراندا
جانیم بویاندا دی روحوم اویاندا
شوکر ائیله ییم یئنه دیل سلامتدی

منبع اصلی - یکاناتا بیر  باخیش : http://sehrgalam.blogfa.com


آچار سؤزلر : شاعیریفریدون حاصارلی, یئکاناتین حورمتلی, هارای نیوز,