بوشاعیر باغبان قیزی بارده اؤزو بئله سؤز آچیر: جاوانلیق زامانلاریمدا ، باغبان قیزی منیم مایل اولدوغوم بیر قیز ایدی و او زامان من بزاز لیق ایشینه مشغول ایدیم .اونون آتاسی گول باغبانی ایدی ، بونا گؤره من شعریمده اونا"باغبان قیزی " آدی قویدوم. نهایت همَن قیز منه قیسمت اولمادی.بو شعریم موسیقی معلیمی اسماعیل شاکری وسیله سی ایله ماهنییا تبدیل اولوب ، اورمیه رادیوسوندا اوخوندو.سونرا مرحوم مصطفی پایان وسیله سی ایله تهران رادیوسوندا اوخوندو و بئله لیکله بیر خالق ماهنی سی کیمی دیللره دوشدو.(1327-1328)دئمه لییم کی باغبان قیزی ماهنی سی استانبول شهرینده ده اوخونوب .حاج علی نین ایندی لیکده اورمونون بازاریندا آرشین مال چیلیق لا مشغول ، پارچا توکانی وار و قوجالیق بو شاعیری سارسیتساماغینا رغما، چوخ خوش صؤحبت بیر شاعیر دیر.

"باغبان قیزی"
ای خومار باخیشلی باغبان قیزی
چادراسی سورمه یی گولو قیرمیزی
گؤزون خومارلادیر گؤیده اولدوزو

آمان باغبان قیزی ، جان باغبان قیزی
یاناغی قیرمیزی، جان باغبان قیزی

بازاردا ساتدیغیم شالدی قوماشدی
گؤردوم باغبان قیزین دیلیم دولاشدی
باخدیم گردنبنده گؤزوم قاماشدی

آمان باغبان قیزی ، جان باغبان قیزی
یاناغی قیرمیزی، جان باغبان قیزی

من ده بیر اوغلانام صاف و صادقم
ثروت آختارمیرام حوسنه عاشیقم
جمالین گؤرمه یه خیلی شایقم

آمان باغبان قیزی ، جان باغبان قیزی
یاناغی قیرمیزی، جان باغبان قیزی

خوش بئجردیب آتان گول لردن سنی
یاخشی ائشیتمیشدیم دیل لردن سنی
ایسته سم آلاردیم ال لردن سنی

آمان باغبان قیزی ، جان باغبان قیزی
یاناغی قیرمیزی، جان باغبان قیزی

منبع : وبلاگ یئکاناتا بیر باخیش http://sehrgalam.blogfa.com/

-----

توضیح مدیریت هارای نیوز

با پوزش از دوستان که امروز 24 مرداد به صورت تصادفی عکس نماینده محترم ؛ آقای حسن نژاد را در این مطلب مشاهده نمودم که کاملا بی ربط و سوال بر انگیز بودکه بلافاصله بعد از خبردادن یکی از مخاطبان مان برداشته شد.

دوستان ! فکر کنم هکر و مکری داره ما را دنبال می کنه و به مطالب ما دستبرد می زنه.

باید این وبلاگ هم ترک سازیم و کار و رسانه ای دیگر را دنبال کنیم.