دوکتور میرهدایت حصاری ؛ آذربایجانلی شاعیر،یازیچی و ژورنالیست

یازار : میر بهرام رستمی / صفحه تلگرام انجمن حیات سبز



دوکتور میرهدایت حصاری ،ایران آذربایجانیندا بیرشاعیر،یازیچی و تدقیقاتچی کیمی تانمیش و بیر ژورنالیست،تورکولوق وفلکلورشناس کیمی ده فعالیتی اولوب.1308نجی ایلده دوغولوب و 1390نجی ایلده دونیادان کوچوب.

بو شاعیر وتدقیقاچی یاشاییشینین ناموناسیب لیگی بونا تحصیل ایمکانی وئرمه دی و گوجلو هوشونا،آرخالاراق موعللیم سیز و مکتب سیز اوز یانیندا اوخویاراق عالی تحصیلات آلماغا موفق اولدو .
1343-نجی ایلده اینگیلیس دیلینده لیسانس معادل لی مدرک آلدی.1366نجی ایلده لندنین معتبر دانشگاه لارینین بیریندن مکاتبه یولو ایله ،یول و تیکینتی ریشته سینده مهندس لیک مدرکی آلدی و نئچه بینالار قاییردی.
2004نجی ایل مای آیینداباکی دا ،آذربایجان اونیورسیته سی طرفیندن فخری دوکتورلوغا لایق گوروندو.
بونودا قئید ائده ک کی 1328_نجی ایل اوردو سرویسینه داخیل اولوب ،1361_نجی ایل 33ایل خدمت ائتدیکدن سونرا سرهنگ لیک درجه سی ایله متقاید اولدو.

ایندییه دک 2250تورکجه و فارسجا تحقیقی مقاله لری ،ایران مطبوعاتیندا،بعضا تورکیه ،آذربایجان جمهوریتینده و اوروپادا چاپ اولوبدور.

مطبوعاتدان علاوه رادیو و تئلویزیادا چیخیشی اولوب و گرگان رادیو سونون علمی پروقرامی نین حاضیرلاماسی و اجراسی بونون عوهده سینه قویولموش یدی و...

بو شاعیر و یازیچینین 25 کیتابی چاپ اولوب و 29کیتابی دا چاپا حاضیرلانیب کی افسوس لار اولسون دونیادان گوز یومارکن بو حاضیرلانمیش کیتابلار ین چاپیندان خبر یوخدو.
چاپ اولموش کیتابلاری؛
1_عاشیقلار مجلیسی
2_شاهنامه منظوم ترکی
3_خاقانی شروانی (ترجمه)
4_گونشسیز گونلر(شعر دیوانی)
5_آذربایجان فولکلورو(بیرینجی جیلد)
6_قصه های شیرین آذربایجانی و مشابهات آن ها در اروپا
7_تذکره ساقینامه سرایان آذربایجان
8_تورکجه قدیم طبی کیتابلار
9_بشقاب پرنده دروغ قرن بیستم
10_پیامی از فضا
11_کوچ مکاتب بشری
12_ماهواره از دیدگاه علم
13_قصه های شیرین نظامی (به نثر)
14_قصه یوسف و زلیخا به نثر
15_کنت مونت کریستو(ترجمه و تلخیص)
16_آموزش اینترنت
17_سیاحت نامه محمد امین افندی در آسیای میانه(ترجمه)
18_شهریار شهریاران
19_داستان های کوتاه (ترکی و فارسی)
20_خلاصه داستان های شکسپیر(ترجمه)
21_سیری در کتاب دده قورقود
22_داستان های کوراوغلو قهرمان ملی آذربایجان
23_آنچه باید والدین بدانند
24_از سومرتا آتروپاتن
25_روز شمار تاریخ 3جلد
26_قدم نو رسیده مبارک
27_عناصر شیمیایی چگونه کشف شدند
28_احمد و خاتون
29_علی و مرجان
نمونه شعرلریندن؛
یکانات ماحالی
باهار فصلی داغلار لاله آچاندا
گول سونبول آختارسان یکانات دادیر
یال، یاماجلار آل یاشیلا باتاندا
سوسن گول آختارسان یکانات دادیر

احسن اوردان چیخان قهرمانلارا
آزادلیق بایراغین اوجالدانلارا
تاریخا افتخار یارادانلارا
اصیل ائل آختارسان یکانات دادیر

قاچاق کرم گئچدی بوردان بیر زامان
باش اگدی بو یئرده ، دئدی الامان
ایگیدلر یوردودور بو یئر بی گومان
مرد اوغول ختارسان یکانات دادیر

اون سککیز کندی وار دوشوب یان یانا
کهریز یئکن شمع دیر اونلار پروانا
اوردا اوغوزلاردان واردیر نشانا
شیرین دیل آختارسان یکانات دادیر

بیریانی داغ داشدی بیر یانی دوزدور
هاواسی چوخ لطیف ، سویو تمیزدیر
هریانا باخیرسان گولدور کهریز دیر
قانلی گول آختارسان یکانات دادیر

داغلاری داشلاری آهو فره سی
ککلیک لر اوخویور دالدا فره سی
قیزوولو، گوی تپه، بهشت دره سی
چنلی بئل آختارسان یکانات دادیر

سحر سحر کهریز اوسته گوزه للر
شنلیک ائدیب دانیشارلار گولرلر
آق یاناقلار، آغ بیلک لر ، گول للر
اینجه بئل آختارسان یکانات دادیر

"هدایتم"سالدیم آدین دستانا
قوی قالسین تاریخده مندن نیشانا
شهرتین داغیتدیم ایندی هریانا
اهل دیل آختارسان یکانات دادیر
"حاضیرلایان؛ خانلار"