بویوک   بیر  ایمکاندیر اینترنت  بیزه

بیر  آندا    باغلانیر    بوردان  تبریزه

 دئییرسن  اوتوروب  میللت  دیزدیزه

دانیشاغین آنادیلده سس سه سه

یازین  باغلانمامیش  بیزیم  مدرسه

اؤز   دیلیزده   یازین     بیر  بیرینیزه

اؤز   وورغوزدا    یازین    بیلدییینیزه

باشقا  دیل   قاتمایین  اؤز  دیلینیزه

پایلا شایین   آنا دیلده  هر  نه سه

 یازین  باغلانمامیش  بیزیم مدرسه

بیر   بئیله   میللتین یاریسی  یازا

یاریدان   یارییا  ،    یاریسی   یازا

کیمیسی   آزارا ،کیم سه ده  بازا

یئر  اولماز  یازماغا ، داها  بیرکسه

یازین  باغلانمامیش بیزیم  مدرسه

بوگؤن جیب تئلفونو بیرمدرسه دیر

فرصت دیر،تاریخ ده بیر  پنجره  دیر

دیلیمیز  بویوندا ، بیر    حنجره دیر

دیللندیرک   یازاق  گلسین  نفسه

یازین  باغلانمامیش  بیزیم مدرسه

ته لسین آی  میللت  یازین دیلیزده

بیر  سؤز  دییه اولسا  یایین ائلیزده

مدرسه لر  بوگؤن   سیزین  الیزده

موبیل تئلفون وارسا الین نن گلسه

یازین  باغلانمامیش  بیزیم مدرسه

بایاتیدان،سؤزدن ،سازدان ،آوازدان

قوشمادان ،شعردن،دینن نماز دان

آذربایجان دیلی یاز  چوخدان  آزدان

ناغیلدان ،پی ام نن،عشقه،هوسه

 یازین باغلانمامیش  بیزیم مدرسه
                             

 منبع : http://aydinqoca.arzublog.com/ آیدین قوجا